ရင်ဘတ်တွင် စူးရှသောနာကျင်မှုကိုခံစားရပြီး အလွန်မောပန်းခြင်းကိုလည်းခံစားလာရသည်။ ဘားအံပြည်သူ့ဆေးရုံသို့သွားရောက်ခဲ့ပြီး ထွန်းတွင် နှလုံးအဆို့ရှင်ကျဥ်းသည့်ရောဂါအခြေအနေရှိကြောင်းသိခဲ့ရသည်။ ခွဲစိတ်ကုသမှုရယူရန်လိုအပ်ကြောင်းကိုလဲ ဆရာဝန်ကရှင်းပြခဲ့သော်လည်း ခွဲစိတ်ကုသရန် မတတ်နိုင်သောကြောင့် ဆရာဝန်မှ သောက်ဆေးများပေးကာ ရောဂါအခြေအနေကို ထိန်းထားစေခဲ့သည်။ ထွန်းသည် ထိုအချိန်မှစကာ ပိုက်ဆံမရှိသည့်အချိန်မှလွဲ၍ ဆေးကိုပုံမှန်သောက်သုံးခဲ့သည်။

​

၂၀၁၉ ခုနှစ် အောက်တိုဘာလ အစောပိုင်းတွင် ဆေးများကိုသောက်နေသော်လည်း အလွန်အမင်းမောပန်းခြင်း၊ နှလုံးခုန်မြန်ခြင်းနှင့် အသက်ူရခက်ခဲခြင်းကို ၃ ရက်တိုင်တိုင်ခံစားရပြီးနောက် ဘားအံဆေးရုံတွင် ၁ ပတ်အကြာဆေးရုံတက် ကုသခဲ့ရသည်။ ဆေးအသစ်များကိုရရှိခဲ့ပြီး သူသက်သာလာခဲ့သည်။ အစိုးရဆေးရုံဖြစ်သောကြောင့် ဆေးရုံတက်ကုသခကို မပေးရသော်လည်း ဆေးဝါးအတွက်ကုန်ကျစရိတ်မှာ ကျပ် ၄သိန်း ၅သောင်း အထိရှိခဲ့သည်။

​

တစ်နေ့တွင် ထွန်းသည် သူငယ်ချင်းတစ်ယောက်အား သူ၏ကျန်းမာရေးပြသနာကိုပြောပြခဲ့သည်။ ထိုသူငယ်ချင်းသည် လူတိုင်းအတွက် ကျန်းမရေးအဖွဲ့၏မိတ်ဖက်ဆေးခန်းဖြစ်သည့် ဘားအံမြို့ရှိ အနန္တမေတ္တာဆေးခန်း၏ ရန်ပုံငွေရှာဖွေပေးနေသူတစ်ဦးဖြစ်သည်။ ထိုသူငယ်ချင်းသည် ထွန်းအား ဆေးခန်းကိုဦးဆောင်နေသော ဘုန်းကြီးနှင့်တွေ့ဆုံရန်အကြံပေးလိုက်သည်။ ထွန်းသည် ထိုဘုန်းကြီးနှင့်တွေ့ဆုံခဲ့ပြီး ဆေးခန်းတစ်ခုတွင် နှလုံးအား တီဗီဓာတ်မှန်ရိုက်ကြည့်စမ်းသပ်ခဲ့သည်။ အဖြေရပြီးသည့်နောက် ထိုဘုန်းကြီးမှတဆင့် ထွန်းအား လိုအပ်သောကျန်းမာရေးကုသမှုကိုခံယူရရှိနိုင်ရန် လူတိုင်းအတွက် ကျန်းမာရေးအဖွဲ့သို့ လွှဲပြောင်း ညွှန်းပို့ပေးခဲ့သည်။

​

လူတိုင်းအတွက် ကျန်းမာရေးအဖွဲ့မှ ဝန်ထမ်းသည် ထွန်း၏ နှလုံးစမ်းသပ်ချက်အဖြေကို စစ်ဆေးပြီးနောက် ထွန်း၏  mitral နှလုံးအဆို့ရှင်မှာ ကျဥ်းမြေင်းနေပြီး ချို့ယွင်းမှုရှိနေကြောင်းကိုတွေ့ရှိခဲ့သည်။ ထိုဝန်ထမ်းသည် ထွန်း၏ခွဲစိတ်ကုသမှုအတွက် အဖွဲ့အစည်းမှကူညီမည်ဖြစ်ကြောင်းပြောကြားပြီး ထွန်းအား ပင်လုံဆေးရုံသို့ ညွှန်းပို့ပေးခဲ့သည်။ ထွန်းသည် ၂၀၁၉ ခုနှစ် ဒီဇင်ဘာလ ၁၃ ရက်နေ့တွင် ပင်လုံဆေးရုံတွင် တက်ခဲ့ရပြီး ၁၆ ရက်နေ့တွင် နှလုံးအဆို့ရှင်အားပြင်ဆင်ကုသမှုကိုခွဲစိတ်ခံယူခဲ့သည်။ ခွဲစိတ်ပြီးချိန်မှစ၍ ၄ ရက်တိုင်တိုင် အထူးကြည့်ရှုစောင့်ကြည့်ခန်းတွင်နေခဲ့ရပြီး ထိုနောက်မှ ပုံမှန်အခန်းသို့ပြန်လည်ပြောင်းရွေ့ခဲ့ကာ ဒီဇင်ဘာလ ၂၃ ရက်တွင်ဆေးရုံမှဆင်းခဲ့သည်။

​

ထွန်း၏​ခွဲစိတ်ကုသမှုနောက်တွင် ပင်ပန်းနွမ်းနယ်ခြင်း၊ နှလုံးခုန်မြန်ခြင်းနှင့် ရင်ဘတ်တွင်စူးရှနာကျင်ခြင်းများကို ထွန်းမခံစားရတော့ပါ။ သူ၏ခံတွင်အရသာပိုကောင်းလာသလို ညအချိန်တွင်လည်း ကောင်းကောင်းအိပ်စက်လာသည်။ ထွန်း၏ပြောချက်အရ ထိုခွဲစိတ်ကုသမှုသည် သူသာမက သူ၏မိသားစုအတွက်ပါ အကျိုးကျေးဇူးသက်ရောက်ခံစားရသည်။ ထွန်းထပ်မံပြောခဲ့သည်မှာ - “ကျွန်တော့မိသားစုရဲ့ဝင်ငွေနဲ့ ဒီလိုခွဲစိတ်ကုသမှုကို ဘယ်တော့မှတတ်နိုင်မှာမဟုတ်ဘူး။ အလှူရှင်တွေရဲ့ ကူညီမှုမရဘူးဆိုရင် ကျွန်တော်ကလူသေဘဲဖြစ်တော့မှာ။ ကျွန်တော် ကြာကြာအသက်ရှင်မှာမဟုတ်ဘူး။ ကျွန်တော့မိသားစုတွေနဲ့လည်း အချိန်ကြာကြာနေရမှာမဟုတ်ဘူး။ ဒီခွဲစိတ်ကုသမှုက ကျွန်တော့ရဲ့ ဘဝနဲ့အနာဂတ်အတွက်ရည်မှန်းချက်တွေကိုပြောင်းလဲပေးလိုက်တယ်။ ကျွန်တော်နေပြန်ကောင်းသွားတဲ့အခါ အလုပ်တွေပြန်လုပ်ပြီး တင်နေတဲ့အကြွေး ၃ သိန်းကို ပြန်ဆပ်မယ်။ ကျွန်တော့သားသမီးတွေ တက္ကသိုလ်အောင်တဲ့အထိ သူတို့ကို ကျွန်တော်ကျောင်းထားမယ်။ ကျွန်တော့ကို ကူညီခဲ့ပေးတဲ့ အလှူရှင်တွေကိုလည်း ကျေးဇူးအရမ်းတင်ကြောင်းပြောချင်တယ်။” ဟူ၍ဖြစ်သည်။