တင်ပဆုံရိုးနှစ်ဖက်စလုံးမှာရှိသည့် အရိုးအသားစများမှာ အောက်စီဂျင်လုံလောက်စွာမရရှိသည့်အတွက် ပျက်စီးသေကြေနေပြီဖြစ်ကြောင်းရှင်းပြသည်။ သူမအနေဖြင့် တင်ပဆုံရိုး အစားထိုးကုသရန်လိုအပ်ကြောင်းကိုရှင်းပြခဲ့သော်လည်း သူမသည် ဆေးကုသစရိတ်အတွက် မတတ်နိုင်ခဲ့ချေ။ ကံကောင်းစွာဖြင့် သူမ၏ တစ်ဝမ်းကွဲသည် Burma Children Medical Fund (BCMF) မှ နှလုံးခွဲစိတ်ကုသခဲ့ပေးသော လူနာတစ်ဦးဖြစ်သည်။ သူမအားလည်း ထိုင်းနိုင်ငံ မဲဆောက်ရှိ BCMF အားဆက်သွယ်အကူအညီတောင်းရန် အကြံပေးခဲ့သည်။ ထို့ကြောင့် သန္တာနှင့် သူမ၏အမျိုးသားတို့သည် ၁၀ နာရီခရီးကို စတင်ကာ BCMF ရုံးသို့သွားရောက်ခဲ့သည်။ သူမ၏အကြောင်းအရာများကို လေ့လာပြီးနောက် BCMF ဝန်ထမ်းသည် သန္တာအား ရန်ကုန်မြို့ရှိ အရိုးရောဂါအထူးကုဆေးရုံကြီးတွင် တင်ပဆုံရိုး နှစ်ဖက်စလုံးအတွက် ခွဲစိတ်ကုသမှုကိုရရှိစေနိုင်ရန် လူတိုင်းအတွက် ကျန်မာရေးအဖွဲ့နှင့် ပူးပေါင်းလုပ်ဆောင်ခဲ့ကြသည်။

 

သန္တာသည် ရန်ကုန်မြို့ရှိ အရိုးရောဂါအထူးကုဆေးရုံကြီးသို့ ၂၀၁၇ ခုနှစ် သြဂုတ်လ ၂၁ တွင် သွားရောက်ပြသခဲ့သည်။ စစ်ဆေးမှုများပြုလုပ်ခဲ့ပြီး ၂၀၁၇ ခုနှစ် စက်တင်ဘာလ ၇ ရက်နေ့တွင် တင်ပဆုံရိုးအစားထိုးခွဲစိတ်မှုပြုလုပ်မည့်အချိန်အထိ ဆေးရုံတွင် နေခဲ့ပါသည်။ “ဆရာဝန်တွေက ကျွန်မကိုရှင်းပြပေးပါတယ်။ သူတို့ပြောတာက ကျွန်မရဲ့ ဘယ်ဘက်တင်ပဆုံရိုးအတွက် ခွဲစိတ်မှုကို နောက်ထပ်လအနည်းငယ်လုပ်ပေးမယ်ပေါ့။ ဘာလို့လဲဆိုတော့ နှစ်ဘက်စလုံးကိုတခါတည်းမှာခွဲစိတ်လိုက်ရင် ကျွန်မအနာခံနိုင်မှာမဟုတ်သလို ကျွန်မပြန်သက်သာလာဖို့အတွက် အချိန်ကြာနေမှာစိုးလို့ လို့ပြောတယ်။” ဟူ၍ သူမပြောဆိုခဲ့သည်။

​

ပထမအကြိမ်ခွဲစိတ်မှုအပြီးတွင် သန္တာတော်တော်လေးသက်သာလာသည်။ သို့သော် လအနည်းငယ်ကြာပြီးနောက် သူမ၏ ဘယ်ဘက်တင်ပါးနာကျင်ခြင်းက ပိုဆိုးလာခဲ့သည်။ လူတိုင်းအတွက် ကျန်းမာရေးအဖွဲ့မှဝန်ထမ်းနှင့် စကားပြောပြီးနောက် သူမ ရန်ကုန်မြို့ရှိ အရိုးရောဂါအထူးကုဆေးရုံကြီးသို့ တစ်ခေါက်ပြန်သွားခဲ့သည်။ ၂၀၁၈ ခုနှစ် မတ်လ ၂၆ ရက်နေ့တွင် သူမ ဆေးရုံပြန်တက်ခဲ့ရပြီး ဧပြီလ ၅ ရက်နေ့တွင် ဘယ်ဘက် တင်ပဆုံရိုးအစားထိုးကုသမှုကိုခံယူခဲ့သည်။