၂၀၁၆ ခုနှစ်မှစ၍ လူတိုင်းအတွက် ကျန်းမာရေးအဖွဲ့သည် လယ်ယာအလုပ်ဖြင့် အသက်မွေးဝမ်းကျောင်းပြုနေကြဆဲဖြစ်သော ရွာသူရွာသားအများစု နေထိုင်သည့် ကရင်ပြည်နယ်၏ လမ်းပန်းဆက်သွယ်ရေးခက်ခဲပြီး ဝေးလံခေါင်းပါးသောဒေသများရှိ စာသင်ကျောင်းများကို ထောက်ပံ့ပေးခဲ့ပါသည်။ ထို့အပြင် ထိုသို့လမ်းပန်းဆက် သွယ်ရေးခက်ခဲပြီး ဝေးလံခေါင်းပါးသောရွာများတွင်လည်း စာရေးကိရိယာပစ္စည်းများကို ဝယ်ယူ၍မရနိုင်ပါ။ ငွေကြေးတတ်နိုင်သောမိဘများသည် နှစ်စဉ်နှစ်တိုင်း ၄င်းတို့၏ သားသမီးများအတွက် ခဲတံ၊ စာရွက်များနှင့် ဘောပင်များ ဝယ်ယူရန် နီးစပ်ရာမြို့သို့ နာရီများစွာလမ်းလျှောက်သွားရသည်။

 

မိသားစုအများစုသည် သားသမီးများ၏ကျောင်းလခကို ပေးဆောင်ရန်ပင် ရုန်းကန်နေကြရသည်။ ထို့ကြောင့် လူတိုင်းအတွက် ကျန်းမာရေးအဖွဲ့သည် စာရေးကိရိယာပစ္စည်းများ၊ သင်ကြားရေးပစ္စည်းများနှင့် သင်ထောက်ကူပစ္စည်းများအတွက် တောင်းဆိုမှုများကို နှစ်စဉ် လက်ခံရရှိလျှက်ရှိနေပါသည်။